MARTAGO seu Lirium

MARTAGO seu Lirium

Gallis Martagon, flos est pulcherrimus, futurus sane multô pulchrior, maiorique in honore, siodore non desiceretur. Color ei modo miniatus, modo amethystinus. Cauliculô est erectô satis et firmô, at calycis petiolô molliori ac languidô. Itaque cum sustinendo non sit oneri, suaviter succumbit. Hinc floris caput ad terram molliter inflexum; hinc flori maior gratia. Se totum siquidem evolvens, aperiensque extra se, singula folia totidem torquet in anellos, Turcicum diceres ex serico pileolum, e cuius meditullio, enata fila eminent praepilata, exstantque in modum cristae plumatilis et in cincinnum figurantur. Franc. Pomey in Descript. var. p. 11.